आताशा
तुला पाहताना
हृदयाचे ठोके
चुकत नाहीत
संथ आहे वेग
आठवणींचा
नाही आवेग
भावनांचा
आताशा तुझा
निरोप घेताना
पुढच्या भेटीची
ओढ मनात नाही
गम्मत म्हणजे
असं असल तरी
अजूनही भुमिका
बदलेल्या नाहीत
अजूनही तुच
हट्ट करतोयस
अजूनही मीच
ते पुरवावे अशी
तुझी 'तीच अपेक्षा'
अजूनही तुलाच
खूप काही सांगायचय
अन् मी आजही
फक्त ऐकायचय
एक साम्य आहे
तेव्हाही मी नव्हते
आपल्या नात्यात
आणि आजही नाहीये
फरक एवढाच
तेव्हा तुला मी
नको होते
आणि आज मला मी.
